Astanada «ShYU+» kezdesýi aıaqtaldy

ASTANA. KAZINFORM – Memleket basshysy Qasym-Jomart Toqaev Shanhaı Yntymaqtastyq Uıymynyń Astana sammıtin jabyq dep jarııalady.

«Biz Shanhaı Yntymaqtastyq Uıymy týynyń astynda ári qaraı damý, ózara is qımyl týrasynda muqııat pikir almastyq. Sizder usynǵan aýqymdy bastamalar ShYU keńistiginde jáne onyń syrtynda myǵym beıbitshilik pen kópjaqty yntymaqtastyqty, ornyqty ilgerileýdi qamtamasyz etýge septigin tıgizetinine senimdimin», - dedi Prezıdent.

Memleket basshysy sammıt aıasynda syndarly suhbat júrgenin atap ótti.

«Sizderge syndarly suhbat úshin shyn júrekten alǵys aıtamyn. Túıindeı kele, Qytaı Halyq Respýblıkasynyń asa qurmetti tóraǵasy Sı Tszınpınge aldaǵy Shanhaı Yntymaqtastyq Uıymynyń tóraǵalyq qyzmetinde tabys tilegim keledi», - degen Qasym-Jomart Toqaev ShYU Astana sammıtin jabyq dep jarııalady.