ShYU qarastyratyn máselelerdiń aýqymy aımaqtyqtan jahandyq máselelerge oıysyp jatyr – sarapshy
ASTANA. KAZINFORM – Shanhaı yntymaqtastyq uıymy qarastyratyn máselelerdiń aýqymy aımaqtyqtan jahandyq máselelerge oıysyp jatyr. Bul týraly elordada ótip jatqan ShYU sammıti aıasynda saıasattanýshy Rızzat Tasym aıtty.
«Búginde ShYU-ǵa múshe memleketterdiń sany artyp keledi. Munyń sımvoldyq máni bar. Sebebi, buǵan deıin Iran da qazaq jerinde uıymnyń músheligine ótken edi. Endi búgin Belarýspen uıym músheligi keńeıip otyr. Jalpy Shanhaı yntyqmaqtastyq uıymynyń hartııasynda kórsetilgen baǵyt-baǵdarǵa úles qosqysy kelse, kez kelgen elge ashyq bolyp sanalady. Endigi ýaqytta uıym qarastyratyn máselelerdiń aýqymy aımaqtyqtan jahandyq máselelerge oıysyp jatyr. Bul uıymnyń úlesiniń artqanyn kórsetedi. Kóp máseleniń osy uıym tóńireginde qorytyndylanyp, shyǵarylǵan sheshimderdiń bolashaqta jahandyq kún tártibine áser etý yqtımaldylyǵy óte joǵary. Ásirese, bul uıymda orta derjava mártebesindegi memleketter jaqsy shoǵyrlanǵan. Onyń biri – Qazaqstan. ıAǵnı, energetıkalyq, ekologııalyq qaýipsizdik máselelerine de nazar aýdarylatyn sekildi. Eń mańyzdysy uıymnyń 2035 jylǵa arnalǵan jańa baǵdarlamasy qabyldanady. Áskerı salada emes, ekologııalyq, ekonomıkalyq, energetıkalyq baǵyt-baǵdarlar da bar ǵoı. Olarǵa da basty nazar aýdarylady», - dedi sarapshy.
Onyń atap ótýinshe, Uıym aıasynda Ortalyq Azııaǵa da basa nazar aýdarylatyn bolady. Óıtkeni osy uıymnyń dińgegi – Ortalyq Azııa. Sondaı-aq Astana deklaratsııasynda Ortalyq Azııanyń Uıymdaǵy róli týraly tarmaqtar da qamtylmaq.
Munan bólek, saıasattanýshy aldaǵy ýaqytta uıym qataryna basqa da memleketterdiń qosylý múmkindigine qatysty pikir bildirdi.
«Mindetti túrde Uıymǵa múshe bolasyń degendeı kúshteý ádisi joq. Mańyzdysy Shanhaı yntymaqtastyq uıymynyń maqsaty men mindetin oryndap, bastamalar jasasa, onda eshqandaı kedergi joq. Búginde Belarýstan basqa Uıymǵa tolyqqandy múshe bolýǵa 5 memleket nıet tanytyp otyr. Onyń ishinde Laos, Bangladesh, Qatar bar. Endigisi osy memleketterdiń shynaıy nıetine baılanysty. Mysaly, Belarýs uıym qurylǵannan beri asa belsendilik tanytyp, sońǵy 3 jyldyń ishinde ózine júktelgen mindettemelerdiń barlyǵyn oryndady. Іshki zańnamasyn Shanhaı yntymaqtastyq uıymynyń mindettemelerine sáıkestendirdi. Eger de ózge memleketter de osyndaı belsendilik tanytsa, onda uıymǵa kirýge eshqandaı kedergi joq», - dedi Rızzat Tasym.
