ShYU Irannyń áskerı nysandaryna jasalǵan shabýyldy aıyptady
ASTANA. KAZINFORM – Shanhaı yntymaqtastyq uıymy Iran Islam Respýblıkasynyń áskerı nysandaryna jasalǵan shabýylǵa baılanysty málimdeme jasady, dep habarlaıdy ShYU baspasóz qyzmeti.
— Shanhaı yntymaqtastyq uıymyna múshe memleketter 2024 jyldyń 26 qazanynda Iran Islam Respýblıkasynyń áskerı nysandaryna jasalǵan shabýyldy qatań aıyptaıdy. ShYU-ǵa múshe memleketter halyqaralyq beıbitshilikke, qaýipsizdik pen turaqtylyqqa naqty qaýip tóndirýi múmkin Taıaý Shyǵystaǵy jaǵdaıdyń shıelenisýine qatty alańdaýshylyq bildirdi. ShYU-ǵa múshe memleketter halyqaralyq quqyqtyń jalpy tanylǵan normalaryn, sonyń ishinde BUU Jarǵysynda bekitilgen normalardy saqtaı otyryp, osy aımaqtaǵy jaǵdaıdy tek saıası jáne dıplomatııalyq quraldar arqyly turaqtandyrý boıynsha tıimdi sharalardy tez arada qabyldaýdy jaqtaıdy, delingen habarlamada.
Eske sala keteıik, Irak BUU-ǵa Izraıl Iranǵa shabýyl jasaý úshin onyń áýe keńistigin paıdalandy dep shaǵymdandy.
Eýroodaq Taıaý Shyǵystaǵy qaqtyǵysta 130-ǵa jýyq jýrnalıstiń óltirilgenin aıyptady.
Izraılge Gazadaǵy atysty ýaqytsha toqtatý týraly usynys túspegen.
