ShYU Irandaǵy jaǵdaıǵa baılanysty málimdeme jasady
ASTANA. KAZINFORM — Shanhaı Yntymaqtastyq Uıymy (ShYU) múshe memleketteri Taıaý Shyǵystaǵy oqıǵalardyń damýyna jáne Iran Islam Respýblıkasynyń aýmaǵyna jasalǵan áskerı soqqylarǵa baılanysty málimdeme jarııalady, dep habarlaıdy Kazinform agenttigi.
– ShYU-ǵa múshe memleketter Taıaý Shyǵystaǵy oqıǵalardyń órbýine jáne Iran Islam Respýblıkasynyń aýmaǵyna jasalǵan áskerı soqqylarǵa baılanysty alańdaýshylyq bildiredi, - delingen uıymnyń resmı málimdemesinde.
Shanhaı yntymaqtastyq uıymy qaqtyǵystardy beıbit jolmen retteýge shaqyrdy.
– ShYU-ǵa múshe memleketter qalyptasqan qaıshylyqtardy tek beıbit jolmen, dıalog, ózara qurmet jáne barlyq taraptardyń zańdy múddelerin eskerý negizinde sheshýdi qoldaıdy, - dep atap ótti uıym.
Málimdemede eldiń egemendigin qorǵaý máselesine erekshe nazar aýdarylǵan.
– ShYU-ǵa múshe memleketter Irannyń egemendigin, qaýipsizdigin jáne aýmaqtyq tutastyǵyn qamtamasyz etý qajettigin atap kórsetedi, barlyq taraptardy ustamdylyq tanytyp, jaǵdaıdy ýshyqtyrýy múmkin áreketterden bas tartýǵa shaqyrady, – dep málimdedi ShYU.
Uıym halyqaralyq qurylymdardy da naqty áreket etýge úndedi.
– ShYU-ǵa múshe memleketter BUU men BUU Qaýipsizdik Keńesin halyqaralyq beıbitshilik pen qaýipsizdikke nuqsan keltirýge qarsy turý úshin shuǵyl sharalar qabyldaýǵa shaqyrady, - delingen málimdemede.
Shanhaı yntymaqtastyq uıymy qaza tapqandardyń otbasylaryna kóńil aıtyp, Iran úkimeti men halqyna qoldaý jáne yntymaqtastyq bildirildi.
Eske sala keteıik, Qytaı Iranmen zymyran kelisimi týraly sheteldik BAQ aqparattaryn joqqa shyǵardy.
Al Iran Ormýz buǵazy arqyly ótýge tyrysqan kez kelgen kemeni atatynyn málimdedi.