Búgin Tıantszındegi «Meıtszıan» konferents-ortalyǵynda ShYU sammıti ótedi
ASTANA. KAZINFORM — Sálden keıin Tıantszındegi «Meıtszıan» konferents-ortalyǵynda ShYU sammıti bastalady. Bul týraly Aqordanyń baspasóz qyzmeti habarlady.
ShYU-ǵa múshe memleketter basshylary keńesine qatysýshylar birge sýretke tústi.
Aıta keteıik, 30 tamyzda Prezıdent Qasym-Jomart Toqaev Shanhaı yntymaqtastyq uıymynyń sammıtine qatysý úshin Tıantszın qalasyna bardy.
Memleket basshysy QHR Tóraǵasy Sı Tszınpınmen kelissóz júrgizdi.
Keshe Prezıdent ShYU sammıtine qatysýshy elderdiń delegatsııa basshylary qurmetine uıymdastyrylǵan saltanatty qabyldaý rásimine qatysý úshin Tıantszındegi «Meıtszıan» konferents-ortalyǵyna bardy.
Sonymen qosa búgin Qasym-Jomart Toqaev Shavkat Mırzıeev pen baýyrlas halyqty Ózbekstan Respýblıkasynyń Táýelsizdik kúnimen quttyqtady.
Budan bólek Toqaev Slovakııanyń Konstıtýtsııa kúnine oraı Peter Pellegrınıge quttyqtaý jedelhatyn joldady.