ShYU-ǵa múshe elderdiń quzyrly organdary 69 teraktiniń jolyn kesti
Ózbekstan astanasy Tashkentte Shanhaı yntymaqtastyq uıymy Aımaqtyq terrorızmge qarsy qurylymynyń (ShYU ATQQ) toǵyzynshy halyqaralyq ǵylymı-praktıkalyq konferentsııasy ótip jatyr, dep habarlaıdy Kazinform agenttiginiń menshikti tilshisi.
Sharaǵa ShYU-ǵa múshe memleketterden kelgen ýákiletti organdar men halyqaralyq uıymdardyń ókilderi qatysty.
Konferentsııada baıandama jasaǵan ShYU ATQQ atqarý komıtetiniń dırektory Rýslan Mırzaev terrorızmge qarsy júrgizilgen jumystardyń nátıjesine toqtaldy.
«ShYU elderiniń quzyretti organdary arasyndaǵy úılesimdi jumys pen ózara aqparat almasý nátıjesinde bizdiń aımaqta terrorıstik uıymdardyń jasyrynǵan 73 toptyń jáne 69 terraktiniń joly kesildi. 1 440 terrorıstik, separatıstik jáne ekstremıstik sıpattaǵy 91 qylmystyń aldyn aldyq. 507 halyqaralyq terrorıstik uıym kóshbasshysy anyqtaldy, 447-si ustaldy, 54-i sottaldy, 182-siniń kózi joıyldy. 123 sheteldik sodyr anyqtaldy, 13 166 qarjylandyrý arnasy áshkere boldy, terrorıstik jáne ekstremıstik maqsattarda paıdalanylǵan 5 zańsyz kóshi-qon arnasy anyqtaldy. Jahandyq jelidegi birlesken kúsh-jigermen terrorızm men ekstremızmdi nasıhattaıtyn 25 myńǵa jýyq aqparattyq resýrstyq materıaldar buǵattaldy», - dep toqtaldy Rýslan Mırzaev.
ShYU Bas hatshysynyń orynbasary Nurlan Ermekbaev qazir álemde bolyp jatqan áskerı-saıası protsesterdiń qaýipi joǵary ekenin atap ótti.
«Keıbir zamanaýı qarýly qaqtyǵystardyń nátıjesi álemniń geosaıası qurylymyn ózgertedi jáne ol ondaǵan jyldar boıy saqtalady. Máselen, BUU-nyń Azyq-túlik jáne aýyl sharýashylyq uıymynyń málimetine saı, 2017 jyldan bastap azyq-túlik qaýipsizdigi jaǵdaıy kúrt nasharlady. Eger 2017 jyly álemniń 46 elinde 155 mıllıon adam ashtyqta ómir súrse, 2022 jyldyń qorytyndysy boıynsha bul kórsetkish ósti. Atap aıtqanda, 58 elde 258 mıllıon adam ashtyq deńgeıinde ómir súrip jatyr. ıAǵnı, jyl saıyn azyq-túliktiń jetispeýshiligi 20%-ǵa ósip otyr. Buǵan klımattyń ózgerýi, ekonomıkalyq jaǵdaı men áskerı qaqtyǵystar áser etedi», - dedi Nurlan Ermekbaev.
Spıker taýar tasymaldaý marshrýttarynyń jabylýy men ózgerýi ınflıatsııaǵa, energııa tapshylyǵyna tipti halyqaralyq qaýipsizdik máselelerine sebep bolyp otyrǵanyn atap ótti. Osyǵan baılanysty ShYU qaýipsizdikten bólek saýda-ekonomıkalyq, saıası, ınnovatsııalyq, mádenı-gýmanıtarlyq jáne basqa da salalardaǵy yntymaqtastyqqa kóńil aýdarady.
