ShYU-ǵa múshe elderdiń qaýipsizdik keńesteri hatshylarynyń kezdesýi ótti
ASTANA. KAZINFORM - Shanhaı yntymaqtastyq uıymyna múshe memleketterdiń qaýipsizdik keńesteri hatshylarynyń kezdesýi ótti, dep habarlaıdy Aqordanyń baspasóz qyzmeti.
Astana qalasynda Qazaqstan tarapynyń tóraǵalyǵymen Shanhaı Yntymaqtastyq Uıymyna (ShYU) múshe memleketterdiń qaýipsizdik keńesteri hatshylarynyń on toǵyzynshy kezdesýi ótti.
Іs-sharaǵa Qazaqstan Respýblıkasy Qaýipsizdik Keńesiniń Hatshysy Ǵızat Nurdáýletov, Úndistan Respýblıkasy Premer-mınıstriniń Ulttyq qaýipsizdik jónindegi keńesshisi Adjıt Doval, Iran Islam Respýblıkasynyń Ulttyq qaýipsizdik jónindegi joǵary keńesiniń Hatshysy Alı Akbar Ahmadıan Babakı, Qytaı Halyq Respýblıkasy Memlekettik keńesiniń múshesi, Qoǵamdyq qaýipsizdik mınıstri Van Sıaohýn, Qyrǵyz Respýblıkasy Qaýipsizdik Keńesiniń Hatshysy Marat Imanqulov, Pákistan Islam Respýblıkasy Premer-mınıstriniń keńsesi janyndaǵy Ulttyq qaýipsizdik bóliminiń hatshysy Vakar Ahmad, Reseı Federatsııasy Qaýipsizdik Keńesiniń Hatshysy Nıkolaı Patrýshev, Tájikstan Respýblıkasy Qaýipsizdik Keńesiniń Hatshysy Nasrýllo Mahmýdzoda, Ózbekstan Respýblıkasy Prezıdentiniń janyndaǵy Qaýipsizdik Keńesiniń Hatshysy Vıktor Mahmýdov qatysty.
Shanhaı uıymynyń turaqty jumys isteıtin organdarynan otyrysqa ShYU-nyń Bas hatshysy Chjan Mın jáne ShYU-nyń Óńirlik terrorızmge qarsy qurylymynyń (ÓTQQ) Atqarýshy komıtetiniń dırektory Rýslan Mırzaev, ShYU janyndaǵy baqylaýshy memleketterden Belarýs Respýblıkasy Qaýipsizdik Keńesiniń Memlekettik hatshysy Aleksandr Volfovıch jáne Mońǵolııa Respýblıkasy Qaýipsizdik Keńesiniń Hatshysy Bıambajargal Altangerel qatysty.
Delegatsııa basshylary ShYU-ǵa tolyqqandy múshe bolǵan Iranǵa, sondaı-aq aldaǵy ýaqytta Uıymǵa kiretin Belarýske qoldaý bildirdi.
Qaýipsizdik keńesteriniń hatshylary terrorızm, separatızm men ekstremızm, qarý-jaraq pen esirtkiniń zańsyz aınalymy, transulttyq uıymdasqan qylmysqa qarsy is-qımyl, halyqaralyq aqparattyq qaýipsizdik salasy boıynsha yntymaqtastyq tetikterin odan ári damytý máselelerin talqylady.
Kezdesýge qatysýshylar terrorızmniń barlyq túri men onyń belgilerin qatań aıyptap, osy zulymdyqqa qarsy kúreste halyqaralyq qoǵamdastyqty jahandyq yqpaldastyqty nyǵaıtýǵa shaqyrdy.
Lańkestik, separatızm men ekstremızm sıpatyndaǵy qaýip-qaterlerge qarsy is-qımyldy, lańkestik maqsatta qoldanylatyn transulttyq uıymdasqan qylmysqa qarsy kúresti, sonyń ishinde zańsyz kóshi-qon arnalarynyń jolyn kesý jónindegi yntymaqtastyqty odan ári jetildirý qajet ekeni atap ótildi.
Qaýipsizdik keńesteriniń hatshylary óńirlik qaýipsizdik pen turaqtylyqty birlesip qamtamasyz etýge basa mán beretinin rastady.
ShYU-ǵa múshe memleketterdiń Qaýipsizdik keńesteri hatshylarynyń on toǵyzynshy kezdesýiniń qorytyndysy boıynsha Hattamaǵa qol qoıyldy.
ShYU-ǵa múshe memleketterdiń Qaýipsizdik keńesteri hatshylarynyń kelesi kezekti kezdesýi 2025 jyly Qytaı Halyq Respýblıkasynda ótedi.
Jıyn aıasynda Qazaqstan Respýblıkasy Qaýipsizdik Keńesiniń Hatshysy ShYU-nyń Bas hatshysymen, sondaı-aq Úndistan, Iran, Qytaı, Mońǵolııa delegatsııalary basshylarymen ekijaqty kezdesýler ótkizdi.
