ShYU elderi kólik-tranzıt jáne qarjy yntymaqtastyǵyna qatysty qujattardy pysyqtady
ASTANA. KAZINFORM — Dýshanbede ótken ShYU ulttyq úılestirýshileriniń otyrysynda uıymnyń 2026–2027 jyldarǵa arnalǵan is-sharalar jospary, kólik-tranzıt jáne qarjy yntymaqtastyǵyna qatysty qujattar pysyqtaldy. Qazaqstan atynan elshi Murat Muqyshev qatysty. Bul týraly SІM málim etti.
Otyrys barysynda qatysýshylar ShYU sheńberindegi saýda-ekonomıkalyq jáne mádenı-gýmanıtarlyq yntymaqtastyqty damytýǵa qatysty máselelerdiń keń aýqymyn talqylady. 2026-2027 jyldary ShYU aıasynda asa joǵary jáne joǵary deńgeılerde ótkiziletin is-sharalar kestesi boıynsha jan-jaqty pikir almasý ótti.
Atap aıtqanda, ShYU-ǵa múshe memleketter úkimetteri basshylary (premer-mınıstrleri) keńesiniń (ÚBK) aldaǵy otyrysyna (19-20 qazan, Dýshanbe q.) daıyndyq máseleleri qaraldy. Kólik-tranzıttik ózara is-qımyl, qarjylyq yntymaqtastyqty nyǵaıtý, sondaı-aq Uıymnyń qyzmetin jetildirý máseleleri boıynsha qorytyndy qujattardyń jobalaryna erekshe nazar aýdaryldy.
Otyrys nátıjesinde ulttyq úılestirýshiler Shanhaı yntymaqtastyq uıymynyń múshe memleketter arasyndaǵy kópsalaly ózara is-qımyldy odan ári nyǵaıtýǵa baǵyttalǵan tetikteriniń tıimdiligin arttyrý jóninde naqty sharalar qabyldaýdy jalǵastyrýǵa ýaǵdalasty.
ShYU-ǵa múshe memleketterdiń Ulttyq úılestirýshileri keńesi Uıymnyń aǵymdaǵy qyzmetin úılestirýdi júzege asyrady, sondaı-aq ShYU-ǵa múshe memleketterdiń tıisti mınıstrlikteri men vedomstvolary arasyndaǵy ózara is-qımyldy qamtamasyz etedi.
Aıta keteıik, Qazaqstannyń ShYU elderimen saýda aınalymy 72,6 mlrd dollarǵa jetti.
