ShYU Bas hatshysynyń rólin kúsheıtý usynyldy
ASTANA. KAZINFORM – Prezıdent Qasym-Jomart Toqaev Shanhaı Yntymaqtastyǵy Uıymynyń Astana sammıtinde sóılegen sózinde ShYU Bas hatshysynyń rólin kúsheıtý týraly usynystardy quptaıtynyn aıtty.
«Qarqyndy jahandyq ózgeristerge baılanysty bizdiń aldymyzda ShYU qyzmetin odan ári jetildirýge baǵyttalǵan mańyzdy mindet tur. Uıym aıasynyń keńeıý úderisi jańa múmkindikterge jol ashyp, ony damytýǵa tyń serpin beredi. Elimiz ShYU-ǵa tóraǵa retinde Uıymdy yntymaqtastyqtyń budan da tıimdi ári kópjaqty mehanızmine aınaldyrýdy kózdeıtin teńgerimdi usynystaryn ortaǵa saldy. Atap aıtqanda, biz ShYU Hatshylyǵy men Bas hatshynyń rólin kúsheıtýdi quptaımyz», – dedi Qasym-Jomart Toqaev.
Qazaqstan basshysy aıtylǵan barlyq usynys ortaq ıgi maqsattarǵa qol jetkizý nıetten týyndaǵanyn atap ótti.
Memleket basshysy sózin qorytyndylaı kele, Uıymǵa múshe elderdiń basshylaryna rızashylyǵyn bildirip, QHR Tóraǵasy Sı Tszınpındi ShYU-ǵa múshe memleketter basshylarynyń keńesine tóraǵa bolýymen quttyqtady.
