ShYU Bas hatshysynyń orynbasary Beıjińde ótken HІ Sıanshan forýmyna qatysty

ASTANA. KAZINFORM – ShYU Bas hatshysynyń orynbasary Nurlan Ermekbaev 14 qyrkúıekte Qytaıdyń Beıjiń qalasynda ótken HІ Sıanshan forýmyna qatysty. 

Іs-shara barysynda Qytaıdyń «Sınhýa» aqparat agenttigine bergen suhbatynda, Ermekbaev ShYU-nyń aımaqtyq beıbitshilik pen qaýipsizdikti saqtaýdaǵy rólin erekshe atap ótti.

Nurlan Ermekbaev jahandyq jaǵdaıdyń kúrdelene túsýine jáne turaqsyzdyqqa aınalýyna baılanysty jańa qaýipter men qaqtyǵystardyń, sonyń ishinde qarýly qaqtyǵystardyń únemi týyndap otyrǵan jaǵdaıda, ShYU sııaqty halyqaralyq yntymaqtastyq uıymdarynyń mańyzdylyǵy barǵan saıyn aıqyn bola bastaǵanyn aıtty.

«ShYU – problemalardy beıbit jolmen sheshýdi jaqtaıtyn jáne kúrdeli máselelerdi birlesip sheshý úshin konsýltatsııalar izdeýdi jaqtaıtyn uıym. Bul ShYU-nyń negizgi qaǵıdattaryna sáıkes keledi», - dedi bas hatshynyń orynbasary.

Nurlan Ermekbaev ShYU-da terrorızmge, ekstremızmge jáne separatızmge qarsy kúres jónindegi arnaıy agenttik – ShYU Terrorızmge qarsy aımaqtyq qurylymy bar ekenin, lańkestikke qarsy yntymaqtastyq boıynsha oqý-jattyǵýlar júıeli túrde ótkizilip turatynyn aıtty. Bul ádister múshe memleketterdiń shekaralaryn qorǵaýǵa kómektesedi. 

Suhbat barysynda Bas hatshynyń orynbasary kıberaqparattyq qylmystardyń kúsheıýine baılanysty ShYU-da kıberqaýipsizdik departamenti qurylǵanyn atap ótti. Onyń aıtýynsha, múshe memleketter kezdesýler, tájirıbe almasý, oqytý jáne basqa da ádister arqyly aqparattyq qaýipsizdikti birlesip jaqsartady. 

Juqpaly aýrýlardyń taralýyna jaýap retinde ShYU halyqtyń densaýlyǵyn saqtaý úshin densaýlyq saqtaý salasyna ınvestıtsııany kóbeıtip jatyr.