ShYU baqylaýshylary mıssııasy Belarýs saılaýyndaǵy jumysyn bastady
ASTANA. KAZINFORM – Shanhaı Yntymaqtastyq Uıymynyń (ShYU) baıqaýshylar mıssııasy 25 aqpanǵa belgilengen Belarýs Respýblıkasy Ulttyq jınalysy ókilder palatasyna jáne depýtattardyń jergilikti keńesterine (RB) saılaý boıynsha jumysty bastady. Bul týraly uıymnyń resmı telegram-kanalyndaǵy habarlamada aıtylǵan.
Mıssııa basshysy, ShYU Bas hatshysynyń orynbasary Nurlan Ermekbaev daýys berý kúni qarsańynda Belarýs Respýblıkasy Ortalyq saılaý komıssııasynyń tóraǵasy Igor Karpenkomen, saıası partııalardyń basshylarymen, qoǵamdyq birlestikterdiń ókilderimen, sondaı-aq basqa uıymdardyń baqylaýshylarymen kezdesý ótkizdi.
ShYU Mıssııasynyń músheleri senbide Mınskidegi saılaý ýchaskelerine baryp, merziminen buryn daýys berý monıtorıngin júrgizdi.
Búgin Belarýste biryńǵaı daýys berý kúni ótip jatyr. Osylaısha Ulttyq jınalystyń Ókilder palatasynyń jáne jergilikti depýtattar keńesiniń depýtattaryn saılamaq.
