ShYU álemdegi eń iri aımaqtyq uıymǵa aınaldy — Sı Tszınpın

ASTANA. KAZINFORM — Tıantszın qalasynda (Qytaı) Shanhaı yntymaqtastyq uıymyna (ShYU) múshe-memleketter basshylary keńesiniń 25-shi otyrysy bastaldy, dep habarlaıdy Kazinform.

— Qazir Shanhaı yntymaqtastyq uıymy 26 eldiń qatysýymen, 50-den astam saladaǵy yntymaqtastyq pen jalpy ekonomıkalyq kólemi 30 trıllıon dollarǵa jýyqtaǵan álemdegi eń iri aımaqtyq uıymǵa aınaldy, — dep keltiredi Sınhýa Qytaı tóraǵasy Sı Tszınpınniń sózin.

ShYU-nyń Tıantszındegi sammıtine 20-dan astam shet memleketterdiń basshylary men 10 halyqaralyq uıym basshylary qatysyp jatyr.

Shanhaı uıymynyń sammıti aıasynda Tıantszın qalasynda «ShYU+» formatyndaǵy kezdesý de ótedi.

Buǵan deıin Qytaı Syrtqy ister mınıstrligi Shanhaı yntymaqtastyq uıymynyń Tıantszın sammıtinde ShYU-nyń 2035 jylǵa deıingi damý strategııasyna jáne basqa da birqatar qujattarǵa qol qoıylatynyn habarlaǵan.

ShYU sammıti 31 tamyz ben 1 qyrkúıek aralyǵynda Qytaıdyń Tıantszın qalasynda ótedi.

Aıta keteıik, 2024 jylǵy shildede uıymnyń Astanada ótken sammıtinen keıin Qytaı resmı túrde ShYU-ǵa 2024-2025 jyldardaǵy rotatıvti tóraǵalyǵyna kirisken bolatyn.

ShYU — 2001 jyly qurylǵan halyqaralyq uıym. Onyń quramyna 10 múshe memleket, 2 baqylaýshy memleket jáne ShYU dıalogy boıynsha 14 seriktes memleket kiredi.

Osydan buryn Sı Tszınpın ShYU damý bankin múmkindiginshe tezirek qurýǵa shaqyrdy.