ShYU Ádilet mınıstrleriniń on birinshi keńesi ótti
ASTANA. KAZINFORM – Keshe onlaın formatta ShYU múshe memleketteri Ádilet mınıstrleriniń jınalysy ótti. Bul týraly elimizdiń Ádilet mınıstrliginen málim etti.
Ádilet mınıstri Azamat Esqaraevtyń tóraǵalyǵymen ótken sharaǵa Úndistan, Iran, Qyrǵystan, Pákistan, Reseı, Tájikstan, Ózbekstan jáne elderiniń Ádilet mınıstrleri, ShYU Bas hatshysynyń orynbasary jáne baqylaýshy memleket retinde Belarýs Ádilet mınıstri Evgenıı Kovalenko qatysty.
Jıyn barysynda ShYU-ǵa múshe memleketteri Ádilet mınıstrleriniń 2023 jyly ótken onynshy kezdesýdegi kelisimderdi iske asyrý boıynsha Ádilet mınstrlikteri arasyndaǵy ózara yntymaqtastyqtyń qorytyndysyn shyǵardy.
Kezdesýge qatysýshylar ShYU-da keıingi jyldarda qol jetken quqyq jáne ádilet salasyndaǵy yntymaqtastyqtyń mańyzyn atap ótti.
Osyndaı turaqty kezdesýler ShYU-ǵa múshe memleketter ádilet organdary arasyndaǵy vedomstvoaralyq yntymaqtastyqty tereńdetýge múmkindik beredi.
Qazaqstan Ádilet mınıstri quqyq pen ádilet salasyn tsıfrlandyrýdaǵy yntymaqtastyqty tereńdetýge jáne ozyq tájirıbemen júıeli túrde almasýǵa múmkindik beretin memorandým jasasý týraly bastama kóterdi.
Shara qorytyndysy boıynsha yntymaqtastyq týraly málimdemege qol qoıylyp, ShYU-ǵa múshe memleketterdiń Ádilet mınıstrleri keńesiniń 2024-2026 jyldarǵa arnalǵan is-sharalar jospary bekitildi.
ShYU-ǵa múshe memleketter Ádilet mınıstrleriniń kelesi keńesi 2025 jyly Reseıde ótedi.
