ShYU 2024 jyldy Ekologııa jyly dep jarııalady
Bıylǵy 10-13 qazan aralyǵynda Beıjiń qalasynda Qazaqstannyń tóraǵalyǵymen Qorshaǵan orta máselelerine jaýap beretin Shanhaı Yntymaqtastyq Uıymyna (ShYU) múshe elderdiń mınıstrlikteri men vedomstvolary sarapshylarynyń otyrysy ótti.
Bul týraly Kazinform QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap habarlaıdy.
Aıta ketý kerek, Qazaqstan Respýblıkasy bıylǵy shilde aıynan bastap ShYU-ǵa tóraǵalyq etti. Qorshaǵan ortany qorǵaý salasyndaǵy yntymaqtastyqtyń mańyzdylyǵyn atap ótip, 2024 jyl ShYU Ekologııa jyly bolyp jarııalandy.
Osyǵan baılanysty qazaqstandyq tarap birqatar mańyzdy qujattardy ázirledi: 2024 jyly ShYU Ekologııa jylyn ótkizý jónindegi is-sharalar jospary, ekologııalyq problemalardyń tizilimi, erekshe qorǵalatyn tabıǵı aýmaqtardy jáne ekologııalyq týrızmdi damytý salasyndaǵy yntymaqtastyq baǵdarlamasy, ShYU-ǵa múshe memleketterdiń úkimetteri arasyndaǵy Qorshaǵan ortany qorǵaý salasyndaǵy yntymaqtastyq týraly kelisim, Memleketter basshylary keńesiniń málimdemesi-Shanhaı yntymaqtastyq uıymynyń músheleri qaldyqtardy tıimdi basqarý týraly.
Osy qujattardyń jobalary Beıjiń qalasynda ótken saraptamalyq otyrys aıasynda talqylandy.
Sonymen qatar, qazaqstandyq taraptyń bastamalarynyń biri dúnıejúzilik qoǵamdastyqtyń nazaryn ShYU ekologııalyq problemalaryna aýdarý jáne ShYU Hatshylyǵy men ıÝNEP arasyndaǵy ózara túsinistik týraly Memorandýmǵa qol qoıý maqsatynda BUU alańynda mınıstrlerdiń, ShYU-ǵa múshe memleketterdiń beıresmı kezdesýin uıymdastyrýtýraly usynys boldy.
Qorshaǵan ortany qorǵaý máselelerine jaýapty ShYU-ǵa múshe memleketterdiń sarapshylary otyrysynyń qorytyndysy boıynsha kezdesý hattamasyna qol qoıyldy.
