Shyrsha keskender on jylǵa deıin bas bostandyǵynan aıyrylýy múmkin - polıtsııa
ІІM qazaqstandyqtardan shyrshany zańsyz kesý faktileri týraly habarlaýdy suraıdy, dep habarlaıdy Kazinform. Polisia.kz-ke silteme jasap.
Qylqan japyraqty aǵashtardy zańsyz kesýdiń aldyn alý – polıtsııanyń jańa jyl qarsańyndaǵy mindetteriniń biri.
Máselen, 15 jeltoqsannan ІІM ekologııalyq quqyq buzýshylyqtardy anyqtaýǵa jáne jolyn kesýge baǵyttalǵan “Shyrsha” aktsııasyn bastady. Aktsııa barysynda tabıǵatty qorǵaý polıtsııasynyń qyzmetkerleri orman alqaptary boıynsha reıdter júrgizedi. Olarǵa orman sharýashylyǵy jáne janýarlar dúnıesi ınspektsııasynyń ókilderi de qatysady.
Polıtseıler aǵashtar men butalardy zańsyz keskeni úshin ákimshilik jáne qylmystyq jaýapkershilik qarastyrylǵanyn eskertedi. Osy salada tabıǵat qorǵaý zańnamasyn buzǵany úshin 50 AEK-ten 150 AEK-ke deıin aıyppul qarastyrylǵan. Eger quqyqqa qaıshy árekettermen eleýli zalal keltirilse, onda bul jaǵdaıda 160 AEK-ten 10 jylǵa deıin bas bostandyǵynan aıyrý jazasy qarastyrylǵan.
Sondaı-aq eger siz shyrshalardy nemese basqa qylqan japyraqty aǵashtardy zańsyz satýdyń nemese tasymaldaýdyń kýási bolsańyz, tártip saqshylary bul týraly “102” telefony arqyly habarlaýdy suraıdy.
