Shirkeý qyzmetkeri musylmandarǵa alǵysyn bildirdi
ASTANA. QazAqparat - Nıgerııanyń Kadýn shtatynda 200-ge jýyq musylman jastardan qurylǵan eriktiler jasaǵy hrıstıandyq shirkeýdi kúzetýge atsalysty. Bul jaıynda jergilikti pastor Iohanna Býrý málimdedi, dep habarlady muslim.kz.
Evangelıstik shirkeý qyzmetkeri musylmandardyń «meıirimi men janashyrlyǵyna» qatty tolqyǵanyn aıtady. Ol óziniń dindes baýyrlaryna musylmandardan úlgi alyp, eshqandaı dinaralyq nemese ultaralyq arazdyq týdyrmastan, beıbit ómir keshýge shaqyrdy.
Aıta keteıik, ótken jyly Nıgerııa musylmandary dinı ǵımarattarǵa jasalǵan qastandyq sharalary men lańkestik oqıǵalar jıilep ketken tusta da turaqty túrde kúzet jumysyn atqarǵan bolatyn.
