Shirkeý ǵımaraty meshitke aınalatyn boldy
ASTANA. QazAqparat - Nıý-Iorktiń qalalyq keńesi katolıktik shirkeý shatyryndaǵy alty krest belgisin alyp tastap, osy ǵıbadathanany meshitke aınaldyrýǵa musylman jamaǵatyna ruqsat berdi.
Atalǵan kresterdi alyp tastaýǵa keıbir jergilikti turǵyndar qarsy shyqqan. 200-den astam adam qol qoıǵan onlaın-petıtsııada ǵımaratty 100 jyl buryn qonys aýdarǵan nemister salǵanyn jáne ol qaladaǵy sáýlettik eskertkish bolyp tabylatyny atap ótilgen. Alaıda keńes basshysy dinı nanym-senimniń erkindigine qatysty máselelerge aralasýǵa quqyly emes ekenin málimdedi. Katolıktik shirkeýi 2010 jyly pastvanyń qysqarýy saldarynan jabylǵan edi. Ótken jyldyń jeltoqsanynda bul nysandy ımmıgranttar arasynda saýattylyq deńgeıin arttyrýmen aınalysatyn kommertsııalyq emes uıym satyp alǵan eken. Osy ǵımaratta meshitti ashý bastamasyn oqytý ortalyǵynyń dırektory kótergen kórinedi.
