Shirkeý epıskopy namazǵa jyǵylyp, Quran oqydy
ASTANA. 20 qarasha. QazAqparat - Grýzııa memleketiniń Baptıster shirkeýiniń bas epıskopy Malhaz Songýlashvılı dinaralyq tatýlyq pen ózara túsinistik baǵytynda ózinshe túren salyp, tyń qadamǵa bardy.
Naqtyraq aıtqanda, ol meshitte musylmandarmen qatar turyp, namaz oqydy. Tek munymen ǵana shektelip qalmaı, shirkeýde qasıetti Qurannyń «ál-Fatıha» súresin oqyp, kúlli musylmannyń alǵysyn arqalaıtyn abyroıly is istedi.
Onyń buryn da mundaı qaıyrly qadamǵa baryp, dinaralyq tatýlyqqa úlken úles qosqanyn aıta ketý kerek, dep habarlady muslim.kz.
