Shıpajaılarda tsýnamı saldarynan adamdardyń úreıi qashty
ASTANA. 11 sáýir. QazAqparat - Indonezııanyń bılik kózderi Úndi teńizindegi Sýmatra aralynyń jaǵasynda bolǵan kúshti jer silkinisinen keıin tsýnamı qaýpi bolatyny týraly eskertý jasady, dep habarlaıdy Ýtro.rý.
Amerıkandyq tsýnamı ortalyǵynan bolýy múmkin dúleı apat teńizdiń barlyq aýdandaryna áser ete alatynyn habarlaıdy. Alyp tolqyndar Indonezııa, Úndistan, Shrı-Lanka, Avstralııa, Taıland, Pákistan, Iran, Sıngapýr jáne taǵy basqa elderdiń jaǵalaýlaryna jetýi múmkin.
AQSh-tyń Geologııalyq qyzmetiniń (USGS) naqtylanǵan málimetterinshe, terbelisi 8,7 balldyq jer silkinisi jergilikti ýaqyt boıynsha saǵat 12:38-de ındonezııalyq Sýmatra aralynyń batys jaǵalaýynda boldy. Gonkong observatorııasynyń málimetterinshe, jer silkinisiniń terbelisi 8,9 balldy qurady. 2004 jyly Úndi teńizinde oryn alǵan tsýnamı ındonezııalyq Acheh provıntsııasyndaǵy 170 myń adamnyń ómirin qıyp áketken bolatyn.
