Shıpajaı qyzmetkerleri «Taza Qazaqstan» aktsııasyn qoldady
ALMATY. KAZINFORM – «Oqjetpes» emdeý-saýyqtyrý kesheni men Almaty qalasyndaǵy «Almaty resort» fılıaly qyzmetkerleri respýblıkalyq «Taza Qazaqstan» ekologııalyq aktsııasyn qoldady.
Aktsııa aıasynda Almaty fılıaly shıpajaı aýmaǵynyń 17000 m2 irgeles aýmaqta senbilik ótkizse, «Oqjetpes» «Aqbýra» nysanynda ótkizdi. Іs-shara barysynda aýmaq tolyǵymen tazalanyp, jınalǵan qoqys kólemi birneshe kólik tirkemesin toltyrdy.
Senbilik «Aqbýra» nysanynyń ashylýyna oraılastyryldy, bul nysan Memleket basshysynyń erekshe nazarynda. «Oqjetpes» ujymy bul is-sharaǵa qatysý arqyly ekologııalyq jaýapkershilik pen qoǵamdyq belsendilikti kórsetti.
Mundaı bastamalar tek aýmaqty abattandyrýǵa ǵana emes, sonymen qatar qyzmetkerler arasynda korporatıvtik rýh pen yntymaqty nyǵaıtýǵa yqpal etedi.
Eske sala keteıik, buǵan deıin elimizde «Taza Qazaqstan» ekologııalyq aktsııasy aıasynda jappaı senbilik ótkenin jazǵan bolatynbyz.