17:05, 11 Qańtar 2024 | GMT +6
Shyńjańdyq qazaqtyń múıizden jasaǵan músinine Qytaı halqy tańdanyp jatyr
Shynjańdyq qazaq ulý jylynyń kelýine oraı aıdahardyń músinin jasap shyqty. Bir ereksheligi, bul aıdahardyń syrtqy qabyrshaǵy, murty, múıizi sııaqty dene bólshekteri múıizden jasalǵan, dep jazady "Harajorga".
Qytaılyq BAQ-tyń habarlaýynsha, sheber bul týyndysynyń vıdeosyn óziniń jeke paraqshasynda jarııalaǵan. Vıdeo áleýmettik jeli qoldanýshylarynyń tańdanysyn týdyrǵan.
Jeli oqyrmandary «naǵyz sheber halyq arasynda bolady» degen sekildi pikirler jazdy.
Sonymen qatar, bul qandasymyzdyń janýarlardyń múıizinen jasaǵan dala mádenıetiniń salt-dástúr qımylyn beıneleıtin «buǵalyqpen at ustaý» sııaqty basqada týyndylary bar eken.
