Shyńjańda jer silkinisinen keıin tótenshe jaǵdaı jarııalandy
ASTANA. KAZINFORM — Qytaı bıligi sársenbi kúni tańerteń bolǵan 5,2 baldyq jer silkinisinen keıin Shyńjań-Uıǵyr avtonomııalyq aýdanynda (ShUAA) tórtinshi deńgeıli tótenshe jaǵdaı jarııalady, dep habarlaıdy Sınhýa.
Qytaı seısmologııalyq jelileri ortalyǵynyń málimetinshe, jerasty dúmpýleri 7 qańtarda jergilikti ýaqyt boıynsha tańǵy saǵat 3:17–de ShUAA Tashqorǵan-Tájik avtonomııalyq ýezinde tirkelgen. Jer silkinisiniń oshaǵy 10 shaqyrym tereńdikte ornalasqan.
Vedomstvo oqıǵaǵa baılanysty bolýy múmkin tótenshe jaǵdaılardyń saldaryn joıý boıynsha jumys júrgizýdi tapsyrdy. Aımaqtyq bólimshelerge seısmıkalyq monıtorıngti kúsheıtý, jaǵdaıdy baǵalaý jáne derekterdi ýaqtyly jańartýdy qamtamasyz etý tapsyryldy.
Epıtsentrden 10 shaqyrym radıýsta ornalasqan aýmaq teńiz deńgeıinen ortasha bıiktigi shamamen 4545 metr bıik taýly aımaqta ornalasqan. Qazirgi ýaqytta qurban bolǵandar nemese aıtarlyqtaı zalal týraly resmı aqparat túsken joq.
Buǵan deıin Qytaıdyń soltústik-batysynda jer silkingenin jazǵan bolatynbyz.
