Shyńjańda Oraza aıtqa 1 kún demalys jáne avtokólikterge jeńildik beriledi

ASTANA. KAZINFORM - Shyńjańda kelesi sársenbi kúni Oraza aıtqa 1 kún demalys beriledi jáne jeńil avtokólikter aqyly joldardaǵy tólemnen bosatylady, dep habarlaıdy Qytaıdyń «Ortalyq halyq radıosy».

Atalǵan BAQ-tyń keltirgen derekterine súıensek, QHR Shyńjań Uıǵyr avtonomıaly ólkelik halyq úkimeti keńsesiniń 2024 jylǵy merekelik demalys kúnderin ornalastyrýy boıynsha, 10 sáýir kúni Oraza aıtqa 1 kún demalys berilmek. Sonymen qatar 10 sáýir kúni saǵat 00:00-den 24:00-ge deıin ólke ishinde aqyly joldarda 7 jáne odan az oryndyq avtokólikter tegin júre alady.

Aıta ketsek, qasıetti Ramazan aıy 11 naýryzda bastaldy. Oraza aıt 10 sáýirge kelip tur.

Oraza aıt merekesinde Qazaqstanǵa saıahattaǵysy keletinderdiń arasynda BAÁ týrısteri kóbirek nıet tanytqan.

Al búgin - kúlli musylman halqy asyǵa kútetin qasıetti Qadir túni.