Shyńjańda álemdegi eń uzyn týnnel salyndy
ASTANA. KAZINFORM — Dúısenbi kúni tańerteń Shyńjań-Uıǵyr avtonomııalyq aýdanynda (ShUAA, Soltústik-Batys Qytaı) «Tıanshan Shenlı» týnneliniń qurylysy aıaqtaldy, dep habarlaıdy Kaziform Sınhýa aqparat agenttigine silteme jasap.
Qar basqan taýlardy jaryp ótetin jańa týnnel álemdegi eń uzyn joǵary jyldamdyqty avtojol týnneli jáne Qytaıdyń ınfraqurylymdyq damýyndaǵy mańyzdy kezeń bolyp sanalady.
Bul — ShUAA-nyń ońtústik jáne soltústik bólikterin baılanystyratyn eń qysqa jańa joldyń ashylýyna jasalǵan eleýli qadam.
Qytaı tilinen aýdarǵanda ataýy «jeńis» degen maǵynany bildiretin 22,13 shaqyrymdyq týnnel iske qosylǵannan keıin Tıanshan taýynyń orta ýchaskesinde júrý ýaqytyn birneshe saǵattan shamamen 20 mınýtqa deıin qysqartady.
Bul Shyńjańnyń soltústigindegi Úrimji aımaqtyq ortalyǵynan ońtústik aımaqtaǵy ıÝılı ýezine deıin sozylatyn Úrimji-ıÝılı joǵary jyldamdyqty jolynyń negizgi jobasy. Ol tolyqtaı salynyp, 2025 jyly paıdalanýǵa beriledi dep josparlanyp otyr. Eki baǵyt arasynda avtokólikpen júrý ýaqyty shamamen jeti saǵattan úsh saǵattan astamǵa qysqarady.
Eske sala keteıik, tergeýshiler Ońtústik Koreıa prezıdentin tutqyndaýǵa order berýdi suraǵanyn jazǵan bolatynbyz.