«Shyńjan — Qashqar» jármeńkesine Qazaqstannan 10 kompanııa qatysyp jatyr
QAShQAR. KAZINFORM — Qytaıda «Shyńjań- Qashqar» Ortalyq jáne Ońtústik Azııa jármeńkesi bastaldy. Oǵan Qyrǵyzstan, Ózbekstan, Tájikstan, Aýǵanstan jáne Qazaqstan memleketteriniń taýar óndirýshileri qatysyp jatyr.
Ortalyq jáne Ońtústik Azııa elderiniń taýar óndirýshilerine arnalǵan Qashqar jármeńkesi bıyl 14 ret uıymdastyrylyp otyr. Aýqymdy sharaǵa Qazaqstan alǵash ret qatysty.
«QazTrade» Saýda saıasatyn damytý ortalyǵynyń bas menedjeri Ábdirashıd Úsenovtiń aıtýynsha, jármeńke otandyq kásipkerlerge Qytaı naryǵyna shyǵýǵa múmkindik beredi.
«Qashqar jármeńkesine» Aqmola, Soltýstik Qazaqstan, Batys Qazaqstan, Jetisý, Almaty oblystarynyń kásipkerleri qatysýǵa nıet bildirdi. Barlyǵy 10 kompanııa. Bal, kondıterlik ónim, jemis-jıdek óndirýmen aınalysatyn kásiporyndar óz ónimderin usyndy. Mundaı jármeńkeler bizdiń otandyq kásipkerlerge eksportqa shyǵýǵa jol ashady”, - dedi ol.
Dese de, Qytaı naryǵynda oıyp turyp óz ornyn alǵan otandyq brend te bar.
«Túıe men bıeniń qurǵaq súti Qytaıda joǵary suranysqa ıe. Biz qazaqstandyq óndirýshimen birlesip jumys istep jatqanymyzǵa tórt jyldan asty. Osy ýaqyt ishinde tutynýshylar sany aıtarlyqtaı artty» — deıdi Lı Tszıa Veı.
Eske salaıyq, shilde aıynda Astanada ótken Shanhaı yntymaqtastyq uıymynyń samıtinde Memleket basshysy Qazaqstan Qytaıǵa eksporttalatyn astyq kólemin 2 mln tonnaǵa jetkizýge daıyn eken aıtqan bolatyn.
Sondaı-aq, kelesi jyl Qytaıdyń Qazaqstandaǵy týrızm jyly bolady.
