Shınkıoshýnkaı karateden halyqaralyq týrnır bastaldy
ASTANA. 1 shilde. QazAqparat /Qanat Mámetqazyuly/ - Búgin Astanada jasóspirimder arasynda shınkıokýshınkaı karateden VII ashyq halyqaralyq «Astana kýbogy - 2011» týrnıri bastaldy.
Táýelsizdiktiń 20 jyldyǵy men Astana kúnine oraı uıymdastyrylyp otyrǵan atalmysh dodaǵa Qyrǵyzstan, Ózbekstan, Reseı, Tájikstan jáne Qazaqstan sportshylary qatysýda.
Karate-shınkıokýshınkaı Federatsııasynyń vıtse-prezıdenti Qaıyrtaı Sarmanovtyń aıtýynsha, týrnırge 320 sportshy qatysyp, baq synamaq. Sportshylardyń saıysyna 40 tóreshi baǵa beretin bolady. «Bul týrnırdi kelesi jyly Japonııada eki jylda bir ret ótetin jasóspirimder arasyndaǵy halyqaralyq týrnırge daıyndyq retinde qarastyrýǵa bolady. Sondyqtan, doda jas sportshylardyń sheberligin shyńdaýǵa tamasha múmkindik. Sondaı-aq, osy týrnırden keıin sportshylarymyzdyń arasynan myqty degenderdi iriktep almaqpyz», - dedi Qaıyrtaı Sarmanov. Onyń aıtýynsha, elimizde mundaı týrnırlerdiń ótip jatqany shınkıokýshınkaıdyń damý kelesheginiń úlken ekenin aıǵaqtaıdy.
Jeńimpazdar jas jáne salmaq kategorııalar boıynsha anyqtalady. Eki kúnge jalǵasatyn doda erteń máresine jetip, jeńispazdar marapattalady.
