Shyńǵys Aıtmatovtyń qaryndasy Roza Aıtmatova dúnıeden ótti
ASTANA. KAZINFORM — Qyrǵyzstannyń qoǵam qaıratkeri Roza Aıtmatova 89 jasynda ómirden ozdy. Bul týraly QazAqparat agenttiginiń Bishkektegi menshikti tilshisi habarlady.
Roza (Rozetta) Aıtmatova — memleket jáne qoǵam qaıratkeri Tórequl Aıtmatovtyń qyzy, álemge áıgili jazýshy Shyńǵys Aıtmatovtyń qaryndasy.
Ol Qyrǵyzstannyń bilim berý salasyna eńbegi sińgen qyzmetker, fızıka-matematıka ǵylymdarynyń kandıdaty bolǵan. Sondaı-aq «Áıelderge kómek kórsetý ortalyǵyn» basqaryp, áıelderdiń quqyqtaryn qorǵaýǵa jáne áıelder kóshbasshylyǵyn damytýǵa belsene atsalysqan.
Roza Aıtmatova mádenıet pen aǵartý salasyna qosqan úlesi úshin Shyńǵys Aıtmatov atyndaǵy syılyqtyń laýreaty atanǵan.
Eske sala keteıik, belgili qyrǵyz jazýshysy Shyńǵys Aıtmatovtyń qaryndasy Roza Aıtmatova Qyrǵyzstan úkimetine jazýshynyń 2028 jyly josparlanǵan 100 jyldyǵyn toılamaýdy surap, ótinish joldaǵan bolatyn.
Ótinishtiń sebebi — ınternette jáne qoǵamda qaıtys bolǵan jazýshynyń atyna qatysty teris aqparattardyń taralýy.
