Shinework Pictures basshysy Elbasyǵa «Kompozıtor» fılmi bar dıskini syılady

NUR-SULTAN. QazAqparat - «Shinework Pictures» kınokompanııasynyń basshysy Djonatan Shen QR Tuńǵysh Prezıdenti Nursultan Nazarbaevqa «Kompozıtor» fılmi bar dıskini syıǵa tartty, dep habarlaıdy QazAqparat.

«Búgin akter Djekı Chanmen kezdesý aldynda Qazaqstannyń Tuńǵysh Prezıdenti «Shinework Pictures» kompanııasynyń basshylyǵymen áńgimelesti. Kezdesý sońynda kınokompanııanyń prezıdenti Djonatan Shen Elbasyǵa «Kompozıtor» fılmi bar dıskini syılady», - dep jazdy Elbasynyń baspasóz hatshysy Aıdos Úkibaı Twitter-degi paraqshasynda.

Áńgimelesý barysynda Nursultan Nazarbaev akterdiń álemdik kınematografııadaǵy mańyzdy rólin atap ótti.

Aıta keteıik, Nursultan Nazarbaev «Bir beldeý, bir jol» ІІ Halyqaralyq yntymaqtastyq forýmyna qatysý úshin Qytaı Halyq Respýblıkasyna barǵan bolatyn. Elbasy sharanyń saltanatty ashylýy barysynda sóılegen sózinde «Bir beldeý, bir jol» bastamasynyń alǵashqy, tabysty jetistikterin atap ótti.

Sondaı-aq atalmysh bastama arqyly Eýrazııa qurlyǵy qaıta birigip, eki myń jyl burynǵydaı bir arnaǵa toǵysqanynaıtty.

Al forým sessııasynda Elbasy qazirgi zamanǵy jahandyq syn-qaterlerge tótep berýdiń joldary týraly sóz sóılep, jańa geosaıası ahýaldyń «Úsh D» úlgisin usyndy.