Shymkette 52 jastaǵy áıel besinshi qabattan sekirmek boldy

ASTANA. KAZINFORM - Shymkenttik qutqarýshylar ózine-ózi qol jumsaýǵa árekettengen áıeldi qutqaryp qaldy, dep habarlaıdy TJM.

TJM 112 pýltine 1972 jyly týǵan áıel turǵyn úıdiń besinshi qabatynda ornalasqan páterdiń balkonynan sekirgeli jatqany týraly habarlama kelip túsken.

«Oqıǵa ornyna dereý jetken TJM qutqarýshylary áıelmen sóılesýge tyrysty. Alaıda ol eshqandaı jaýap bermedi. Qutqarýshylar dereý qutqarý sharalaryna kiristi. Órt sóndirýshiler kireberis arqyly páterge jetýge asyqty, al júrgizýshi tórtinshi qabattaǵy páterdiń balkonyna avtosatyny ornatty. Osy ýaqytta kórshiles turatyn 5-órt sóndirý bóliminiń qaraýyl bastyǵy Alpamys Talıpov áriptesterine kómekke keldi. Avtosaty arqyly Alpamys tórtinshi qabattyń balkonyna kóterilip, jaqtaýǵa shyǵyp, áriptesteri páterge kirgenge deıin áıeldi tómennen ustap turdy. Qutqarýshylardyń úılesimdi jáne jedel áreketteriniń arqasynda áıel adam aman qaldy», - delingen mınıstrliktiń habarlamasynda.

Qutqarylǵan áıel jedel járdem qyzmetkerlerine tapsyryldy.