Shymkenttiń týmasy krıptovalıýta aıyrbastaýmen zańsyz aınalysqany úshin sottaldy

ASTANA. KAZINFORM – Shymkent qalasynyń qylmystyq ister jónindegi aýdanaralyq sotynyń úkimimen zańsyz kásipkerlik qyzmetin júzege asyrǵany úshin azamat «C» 2 jylǵa bas bostandyǵynan aıyryldy.

«Sot talqylaýy barysynda azamat „C“ „Binance“ platformasynda tsıfrlyq aktıvterdi (krıptovalıýtalar) lıtsenzııasyz aıyrbastaý qyzmetin kórsetkeni anyqtaldy.

5 jyl ishinde ol 1,7 mlrd teńgeden astam asa iri mólsherde zańsyz tabys tapqan», — dep jazdy aımaqtaǵy prokýratýradan.

Qala prokýratýrasy Shymkent qalasynyń turǵyndaryna tsıfrlyq aktıvterdi aıyrbastaý boıynsha zańsyz kásipkerlik qyzmetti júzege asyrǵany úshin qylmystyq jaýapkershilik kózdelgeni týraly eskertedi.

Úkim zańdy kúshine engen joq.