Shymkenttiń ónerkásip salasyna 1 mlrd 750 mln dollar ınvestıtsııa tartylady
ShYMKENT. KAZINFORM - Shymkent qalasynyń ákimi Ǵabıt Syzdyqbekov pen «Fujian Hengwang Investment Co., Ltd» kompanııasynyń basqarma tóraǵasy Lıý ıÝnmın qalada metallýrgııalyq zaýyt salý týraly memorandýmǵa qol qoıdy, dep habarlaıdy qalalyq ákimdiktiń baspasóz qyzmeti.
Memorandým aldyńǵy kezdesýdiń qorytyndysy boıynsha qol jetkizilgen kelisimder aıasynda jasaldy. Ótken aptada megapolıs basshysy ınvestorlardy aýmaǵynda zaýyt salý josparlanyp otyrǵan «Temir» ındýstrııalyq aımaǵymen tanystyrdy.
Aıta ketý kerek, jobany júzege asyrý barysynda kompanııa qala ekonomıkasyna 1 mıllıard 750 mıllıon AQSh dollaryn ınvestıtsııalap, myń jańa jumys ornyn ashady. Úsh kezeńdik metallýrgııalyq zaýyt bes jyl ishinde salynady. Jyldyq óndiristik qýaty bes mıllıon tonnany quraıdy. Kásiporyn ekologııalyq qaýipsizdikti qamtamasyz etý úshin álemdegi eń ozyq tehnologııalardy paıdalanatyn bolady.
Qala ákimi kompanııa basshylyǵyna megapolıske qyzyǵýshylyq tanytyp, ónerkásip salasyn damytýǵa tikeleı ınvestıtsııa salǵany úshin alǵysyn bildirdi. Sondaı-aq, ol jobany júzege asyrýda, onyń ishinde qajetti ınfraqurylymmen qamtamasyz etýde jan-jaqty qoldaý kórsetýge daıyn ekenin atap ótti. Óz kezeginde sheteldik ınvestorlar búginde Shymkentte ınvestıtsııa tartýǵa barlyq jaǵdaı jasalǵanyna toqtaldy. Zaýyt iske qosylsa, basqa da birqatar jobalardy júzege asyrý josparlanyp otyr.
Aıta keteıik, Fujian Hengwang Investment Co., Ltd kompanııasy bolat óndirisi men halyqaralyq saýdada úlken tájirıbesi bar Jiangsu Coastal Steel Group Co., Ltd iri korporatsııasynyń bóligi bolyp tabylady.
Esterińizge sala keteıik, qalada qýattylyǵy 500 MVt-qa deıin jetetin kombınırlengen tsıkldi stansa salý jobasy da júzege asyrylýda. Quny shamamen 700 mıllıon AQSh dollaryn quraıtyn ınvestıtsııalyq joba turǵyndardy sapaly elektr jáne jylý energııasymen, sondaı-aq ystyq sýmen qamtamasyz etýge baǵyttalǵan.
Sonymen qatar, iri túrik kompanııasy Alarko Holding jańa formattaǵy jylyjaı keshenin salýda. 650 mıllıon AQSh dollaryn quraıtyn ınvestıtsııalyq joba jalpy kólemi 500 gektar aýmaqta eki myń jańa jumys ornyn kezeń-kezeńmen qurýǵa, azyq-túlik qaýipsizdigin jáne jańa óndiristerdi engizý arqyly jylyjaı bıznesin damytýǵa yqpal etedi.
