Shymkenttiń kelbeti ózgere me: Ákim qalanyń damý josparymen bólisti
ShYMKENT. KAZINFORM — Shymkent qalasynyń ákimi Ǵabıt Syzdyqbekovtiń tóraǵalyǵymen Qazaqstan Respýblıkasynyń Prezıdenti Qasym-Jomart Toqaevtyń «Qazaqstannyń jańa tarıhı kezeńdegi ózekti mindetteri» atty Joldaýyn talqylaýǵa arnalǵan qalalyq aktıv otyrysy ótti.
Shymkent qalasy ákiminiń baspasóz qyzmetiniń málimetinshe, jıynǵa jergilikti atqarýshy jáne ókildi organdardyń basshylary, zııaly qaýym ókilderi, saıası partııalar men qoǵamdyq uıymdardyń músheleri qatysty.
Otyrysty ashqan qala ákimi Memleket basshysynyń Joldaýy elimizdiń aldaǵy damýyndaǵy strategııalyq baǵdarlardy aıqyndap, óńirlerge ekonomıkany nyǵaıtý, ınfraqurylymdy jańartý jáne halyqtyń ómir súrý sapasyn arttyrý boıynsha naqty mindetter júkteıtinin atap ótti. Onyń aıtýynsha, Prezıdent belgilegen baǵyttar jergilikti deńgeıde júıeli jumys júrgizýdi jáne naqty nátıjege baǵdarlanýdy talap etedi.
Qala ákimi áleýmettik ınfraqurylymdy damytý, baspana qurylysy, kólik jáne energetıka júıelerin jetildirý, ınvestıtsııa tartý, kásipkerlikti qoldaý jáne Shymkenttiń ónerkásiptik áleýetin arttyrý máselelerine erekshe nazar aýdardy.
Jıyn barysynda qalalyq Qoǵamdyq keńestiń tóraǵasy Buharbaı Parmanov, Qazaqstan Halyq keńesiniń múshesi Ábdez Imanqulov, Shymkent qalasy Kásipkerler palatasynyń dırektory Sabıra Adambekova sóz sóıledi. Qatysýshylar Joldaýdyń negizgi baǵyttary boıynsha pikirlerin bildirip, ózekti damý máselelerin kóterdi jáne tıisti salalardaǵy jumysty jetildirýge qatysty usynystaryn ortaǵa saldy.
Talqylaýdy qorytyndylaǵan qala ákimi Ǵabıt Syzdyqbekov Shymkenttiń aldaǵy damý baǵyttaryn aıqyndap, taıaý jyldarǵa arnalǵan josparlarymen bólisti.
Atap aıtqanda, áleýmettik jáne ınjenerlik ınfraqurylymdy odan ári damytý, bilim berý, densaýlyq saqtaý, sport jáne qoǵamdyq qaýipsizdik nysandaryn salý, baspana qoryn keńeıtý, jol jelisi men energetıkalyq keshendi jańartý máseleleri sóz boldy.
Sondaı-aq, qalanyń ınvestıtsııalyq áleýetin arttyrýǵa, kásipkerlikti qoldaýǵa, óndiristik qýattardy keńeıtýge jáne jańa jumys oryndaryn ashýǵa basymdyq berildi. Bul baǵyttar Shymkent ekonomıkasyn nyǵaıtyp, qala turǵyndarynyń ómir súrý sapasyn odan ári arttyrýǵa múmkindik beredi.
Jıyn qorytyndysynda megapolıs basshysy qatysýshylarǵa mazmundy talqylaý men usynystary úshin alǵys aıtyp, basshylardy júktelgen mindetterdi jaýapkershilikpen oryndaýǵa, ózara úılesimdi jumysty qamtamasyz etýge jáne ár baǵyt boıynsha naqty nátıjelerge qol jetkizýge shaqyrdy.
