Shymkenttiń eks-ákiminiń aǵasyna qatysty sot sheshimi shyqty

ASTANA. KAZINFORM — Astananyń qylmystyq ister jónindegi mamandandyrylǵan soty Shymkenttiń eks-ákimiiniń aǵasy Marat Áıtenovke qatysty úkim shyǵardy. 

Sottyń sheshimine sáıkes, Marat Áıtenov 12 táýlikke qamaýǵa alyndy.

«1978 jyly týǵan Marat Áıtenov qylmystyq kodekstiń „uryp-soǵý“ baby boıynsha qylmystyq quqyq buzýshylyqty jasaǵany úshin kináli dep tanylyp, 12 táýlikke qamaýǵa alý jazasy taǵaıyndalsyn», — delingen sot úkiminde.

Aıyptaýdyń máni

A. sot sheshiminiń negizinde sot oryndaýshylarynyń talabyna saı kóshirý barysynda D.-ǵa, ıaǵnı burynǵy jubaıyna qatysty qasaqana zorlyq-zombylyq áreketterin jasap, keltirilgen dene jaraqattary saldarynan eks jubaıynyń denesi kógerip, qantalaǵan bolatyn. 

Sottalýshynyń kinási oqıǵa ornynda túsirilgen beıne jazba sondaı-aq sot-medıtsınalyq saraptamanyń qorytyndysyna ári istiń basqa da materıaldarymen dáleldendi.

Sot aktisi zańdy kúshine engen joq.