Shymkenttiń eks-ákimi Ǵabıdolla Ábdirahymov jańa qyzmetke taǵaıyndaldy
ASTANA. KAZINFORM – 2025 jylǵy 29 jeltoqsanda AQ «Samruk-Kazyna Construction» Basqarma tóraǵasynyń eksplýatatsııa jónindegi orynbasary laýazymyna Ǵabıdolla Ábdirahymov taǵaıyndaldy. Bul týraly kompanııanyń baspasóz hatshysy habarlady.
Ǵabıdolla Ábdirahymov ekonomıkalyq jáne basqarýshylyq bilimi bar, sonyń ishinde «Bolashaq» baǵdarlamasy aıasynda memlekettik basqarý magıstri dárejesin alǵan.
Ol memlekettik qyzmet júıesinde, Prezıdent Ákimshiliginde, Qazaqstan Úkimetinde basshylyq laýazymdarda qyzmet atqarǵan, sondaı-aq Shymkent qalasynyń ákimi jáne mádenıet jáne sport vıtse-mınıstri bolyp jumys istegen.
Aıta ketý kerek, Ǵabıdolla Ábdirahymov «Samruk-Kazyna Construction» basqarmasynyń múshesi emes.
Buǵan deıin Rýslan Óskenáliniń Qazaqmystyń tóraǵasy bolǵanyn jazǵanbyz.
Sonymen qatar Áıgerim Aǵyltaeva Qorǵanys mınıstriniń kommýnıkatsııalar jónindegi keńesshisi bolyp taǵaıyndaldy.