Shymkenttiń birneshe shaǵynaýdanynda jaryq ýaqytsha óshedi
ShYMKENT. KAZINFORM – 18 qazanda saǵat 08:00-den 18:00-ge deıin Shymkent qalasynyń Turan aýdanyndaǵy birqatar aýmaqta elektr energııasyn berý ýaqytsha toqtatylady.
Josparly ajyratý №3, 4 jáne 8 shaǵynaýdandardy, «Sport» shaǵynaýdanyn, 112-oramdy, Temirlan tasjolynyń bir bóligin, sondaı-aq oǵan irgeles kósheler men turǵyn oramdardy qamtıdy.
«Ońtústik Jaryq Tranzıt» kompanııasynyń málimetinshe, elektr energııasyn ýaqytsha ajyratý 2026 jylǵa arnalǵan ınvestıtsııalyq baǵdarlama aıasynda №1 (35/6 kV) qosalqy stantsııasyn qaıta jańǵyrtý jumystaryna baılanysty júrgiziledi.
– Turǵyndarǵa elektr energııasynyń ýaqytsha ajyratylýyn eskerip, josparlaryn aldyn ala retteý usynylady. Ýaqytsha qolaısyzdyqtar úshin tutynýshylardan keshirim suraımyz, – delingen kompanııa habarlamasynda.
Buǵan deıin Qyzylordada jaryqtyń jańa tarıfi bekitilgenin jazǵan edik.
