Shymkenttiń bas ustazy Janat Tájıeva qyzmetinen ketti

 Shymkent qalalyq bilim basqarmasynyń basshysy Janat Tájıeva óz ótinishimen qyzmetten bosady, dep habarlaıdy Kazinform agenttigi.  

Janat Tájıeva áleýmettik jelide qyzmetten bosaǵany jaıynda jazba qaldyryp, bilim salasynda birge jumys istegen áriptesterine alǵys aıtty.

«Shymkent qalasy bilim basqarmasy basshysy qyzmetimdi búgin aıaqtadym. Ár salanyń óz orny bar. Degenmen bilim salasynyń júgi de, jaýapkershiligi de óte joǵary. Jalpy 38 jyldyq eńbek ótilimniń 18 jylyn muǵalimdik, 20 jylyn memlekettik qyzmette atqardym. Osy aralyqta qanshama syn men synaq bolǵanymen shyńdala túsip, ózime júktelgen mindetti asa jaýapkershilikpen atqardym. Shymkent qalasy bilim salasynyń damýyna, respýblıka kóleminde aldyńǵy qatardan kórinýine atsalysqan áriptesterime, qala turǵyndaryna alǵysym sheksiz!» dep jazdy ol.

Kópshilik jeli belsendileri Janat Tájıevanyń jańa qyzmetine sáttilik tilese, endi biri bilim salasynda aýqymdy jumys atqarǵanyn jazyp jatyr.

Tipti, Shymkenttiń bas ustazy bolǵan hanym aldaǵy ýaqytta Túrkistan oblysy bilim basqarmasynyń basshysy bolady degen boljam aıtyp jatqandar da bar.