Shymkenttikter VIP-nómirlerge 1 mlrd teńgeden astam qarajat jumsady

ShYMKENT. KAZINFORM-2023 jyly qalanyń mamandandyrylǵan HQKO-larynda 300 myńnan astam kólik tirkelip, 100 myńnan astam júrgizýshi kýáligi berildi.

Ótken jyly Shymkent qalasy boıynsha mamandandyrylǵan HQKO-lar 4 myńnan astam joǵarǵy suranysqa ıe memlekettik tirkeý nómirlerin berdi. Kólik ıeleri VIP-nómirler alý úshin 1 mlrd 325 mln teńgeden astam qarajat jumsaǵan. Al, 2022 jyly shymkenttikterdiń VIP-nómirlerge jumsaǵan qarajat kólemi 1 mlrd 076 mln teńgeden asqan.

«2023 jyly 010, 020, 030, 040, 050, 060, 070, 077, 080, 090, 707 nómirleri eń jyldam satyldy. Ár nómirdiń baǵasy 57 AEK-ti (2024 jyly 210 444 teńge) quraıdy. VIP-nómirler qataryndaǵy áripteri birdeı eń qymbat sandar 001, 002, 003, 004, 005, 006, 007, 008, 009, 777 ekenin atap ótemiz. Mundaı árbir nómir 285 AEK (2024 jyly 1 052 220 teńge) turady», - dep túsindirdi «Azamattarǵa arnalǵan úkimettiń» Shymkent qalasy boıynsha fılıalynyń PR-menedjeri Altynaı Tataeva.

Esterińizge sala keteıik, Shymkentte qazirgi ýaqytta tórt mamandandyrylǵan HQKO jumys isteıdi.