Shymkenttik júrgizýshi kóshege tonnaǵa jýyq qoıdyń ishek qarny men terisin tógip ketken
ShYMKENT. KAZINFORM — Tártip saqshylary kósheni lastaýshy kúdiktini kóp uzamaı qolǵa túsirdi.
Quqyq buzýshylyq týraly ýchaskelik ınspektorlar turǵyndardyń WhatsApp jelisindegi ortaq chaty arqyly bilgen.
Іzdestirý sharalarynyń nátıjesinde quqyq buzýshy jedel anyqtaldy. Ol óziniń is-áreketin júk kóliginiń buzylýymen aqtaǵysy kelgenimen, zańdy jaýapkershilikten qasha almady. Tártip saqshylary ákimshilik hattama toltyrdy.
Sondaı-aq, soıylǵan janýarlardyń qaldyqtaryn er adamnyń ózine jınatty.
Sonymen qatar, kúdikti aýyl turǵyndarynan keshirim surady.
«Tógýge májbúr boldym. Kóligim otalmaı qaldy. Sol jerde qalyp kettim. Tastaǵan sebebim, erteńine alyp ketemin degen oıda boldym. Aýyl turǵyndarynan keshirim suraımyn», — dedi ol.
Aıta keteıik, budan buryn Almatyda birneshe kóliktiń ústine aǵash qulaǵanyn jazǵan bolatynbyz.