Shymkenttik turǵyn vırtýaldy nómirlerdi paıdalanyp alaıaqtyqpen aınalysqan
ShYMKENT. KAZINFORM — Qylmystyq shema toqtatyldy.
Eki jaldamaly páterdi tekserý barysynda 32-arnaly eki SIM-box qurylǵysy men ózge de jabdyqtar tabylyp, tárkilendi. Zańsyz shemanyń úzdiksiz jumysyn qamtamasyz etken kúdikti ustaldy. Qaskóı messendjer arqyly alǵan nusqaýlarǵa sáıkes áreket etken.
Polıtsııa mundaı qurylǵylardy zańsyz paıdalaný qylmystyq jaýapkershilikke ákep soǵatynyn eske salady.
— Prokýratýranyń úılestirýimen jáne UQKD-men birlesip, «Qazaqtelekom» AQ-men memorandým sheńberinde júrgizilgen jedel is-sharalardyń nátıjesinde SIM-box paıdalaný arqyly jasalǵan zańsyz áreketter anyqtalyp, joly kesildi. Vırtýaldy abonenttik nómirlerdi tirkeýge arnalǵan qurylǵy arqyly el aýmaǵynda alaıaqtyq jaıttary júzege asyrylǵan, — delingen Shymkent qalasy polıtsııa departamentiniń baspasóz qyzmeti usynǵan aqparatta.
Aıta keteıik, budan buryn Shymkentte SOS batyrmalary kóbeıgenin jazǵan bolatynbyz.