Shymkenttik sheneýnik urlanǵan aqshaǵa áıeline elektromobıl alyp bergen

ASTANA. KAZINFORM — El óńirlerinde zańsyz jumsalǵan qarjy men múlikterdi memleketke qaıtarý jumystary jalǵasyp jatyr. 

— Shymkentte memlekettik qyzmetker urlanǵan aqshaǵa zaıybyna elektromobıl satyp alǵan, — dedi Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov vedomstvoda ótken baspasóz máslıhatynda.

Odan bólek agenttik ókili Shyǵys Qazaqstan oblysynda kúdikti tulǵa qylmystyq jolmen tapqan qarajatqa satyp alynǵan avtokólik pen eki páterdi jumyssyz týysynyń atyna rásimdegenin aıtty.

— Sondaı-aq Jetisý oblysynda júrgizilgen qarjylyq tergeý nátıjesinde jalpy somasy 2,8 mlrd teńge bolatyn múlik, sonyń ishinde qarajat, 6 avtokólik jáne 1 páter anyqtalyp, tárkilendi, — deıdi ol.

Aıta ketsek, sońǵy úsh jyl ishinde elimizge 1,12 trln teńge zańsyz aktıvter qaıtaryldy.