Shymkenttik sheneýnik 700 mln teńge jymqyrdy dep aıyptalyp otyr

Shymkent qalasy ál-Farabı aýdany ákimdiginiń laýazymdy tulǵasy asa iri mólsherde bıýdjet qarajatyn jymqyrdy degen kúdikke ilindi. Bul isti Qarjy monıtorıngi agenttiginiń aýmaqtyq departamenti tergep jatyr, dep habarlaıdy QazAqparat. 

Kúdikti óziniń laýazymyn paıdalana otyryp, qala aýmaǵyndaǵy kópqabatty úılerdiń 150 aýlasyn abattandyrý boıynsha smetalyq qujattamada jumys pen materıaldardyń baǵasyn negizsiz qymbattatqan.

Ol 700 mln teńgeden astam somaǵa asa iri mólsherde bıýdjet qarajatyn jymqyrdy dep aıyptalyp otyr. 

Sot sanktsııasymen atalǵan azamat ustalyp, qamaýǵa alyndy.

Sotqa deıingi tergeý jalǵasyp jatyr. QR QPK 201-babyna sáıkes ózge aqparat jarııalanbaıdy.