Shymkenttik prokýratýra 1,7 mlrd teńge negizsiz shyǵynnyń aldyn aldy
ASTANA. KAZINFORM – Shymkent qalasynyń prokýratýrasy júrgizgen taldaý nátıjesinde bıýdjet qarajatyn josparlaý jáne paıdalaný barysynda birqatar zań buzýshylyqtar anyqtalyp, 1,7 mlrd teńge kólemindegi negizsiz shyǵyn anyqtaldy.
Vedomstvo málimetinshe, shaǵyn aýdanda ınjenerlik ınfraqurylym salý jobasy boıynsha bıýdjet qarajaty tıisti negizdemesiz josparlanǵan. Atap aıtqanda, joba júzege asyrylýy tıis aýmaqta turǵyn úıler men halyqtyń bolmaýy, jer telimderiniń tolyq bólinbeýi jáne naqty qajettiliktiń joqtyǵy anyqtalǵan.
- Sondaı-aq jobalyq-smetalyq qujattamanyń naqty jaǵdaıǵa sáıkes kelmeıtini jáne jobany qazirgi kezeńde iske asyrý ekonomıkalyq turǵydan tıimsiz ekeni belgili boldy.
Prokýrorlyq qadaǵalaý aktisi negizinde qarjylandyrý parametrleri qaıta qaralyp, qosymsha kelisim jasaldy. Nátıjesinde 1,7 mlrd teńge bıýdjet qarajaty únemdeldi, - delingen aqparatta.
Osylaısha bıýdjet qarjysynyń tıimsiz jumsalýyna jol berilmedi.
Aıta keteıik, Shymkentte «Coca-Cola» brendimen jasalǵan kontrafaktilik ónimder anyqtaldy.
