Shymkenttik polıtseıler úsh jezóksheler prıtonyn joıdy
Shymkenttik polıtseıler úsh prıtondy joıdy, dep habarlaıdy Kazinform.
Shymkent qalasy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri arnaıy operatsııa júrgizý barysynda jeńgetaılyqpen aınalysqan jergilikti turǵyndy ustady.
31 jastaǵy boıjetken paıdakúnemdik maqsatta prıton uıymdastyrý úshin qala aýmaǵynda 3 páterdi uzaq merzimge jalǵa alǵan. Jezókshelikpen aınalysqandardyń arasynda Shymkent, Taraz, Almaty, Qostanaı qalalarynyń turǵyndary bar. Sondaı-aq, kúdiktiniń turǵylyqty mekenjaıyn tekserý barysynda iri mólsherde «mefedron» psıhotroptyq zaty tárkilendi.
«Tártip saqshylary ıntımdik qyzmet kórsetetin 10 áıeldi ustady, onyń bireýi kámelet jasyna tolmaǵan qyz ekeni belgili boldy. Atalǵan derekterge qatysty qylmystyq kodekstiń 309-baby 2-bóligi «jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq», 296-baby 3-bóligi «iri mólsherdegi esirtki, psıhotroptyq zattardy zańsyz saqtaý» boıynsha sotqa deıingi tergeý amaldary júrgizilýde. Kúdikti áıel qamaýǵa alyndy» - delingen Shymkent qalasy polıtsııa departamentiniń baspasóz qyzmeti taratqan aqparatta.
Aıta keteıik, tártip saqshylary qala aýmaǵyndaǵy jaldamaly páterler men saýnalarǵa reıd júrgizip, jezókshelikpen aınalysqan 51 azamatty ustady.
Posmotret etý pýblıkatsııý v Instagram
