Shymkenttik polıtseı ómirin qaterge tigip, qaýipti júrgizýshini toqtatty

ShYMKENT. KAZINFORM - Polıtsııa qyzmetkeri óz ómirin qaterge tigip, jol erejesin óreskel buzǵan júrgizýshini toqtatty. Agressıvti júris-turys belgileri jasandy ıntellektke negizdelgen tsıfrlyq júıe arqyly anyqtalǵan.

Polıtsııa qyzmetkerleri Daewoo Nexia markaly kólikti toqtatý úshin zańdy talap qoıǵanymen, júrgizýshi baǵynýdan bas tartqan. Ol kólikti toqtatqandaı keıip tanytyp, polıtseıler tekserýge jaqyndaǵan sátte, qaıtadan gazǵa basyp qashyp ketken.

Osy sátte polıtseılerdiń biri kóliktiń kapotyna minip úlgergen. Alaıda, júrgizýshi ony elemesten, joǵary jyldamdyqpen júre bergen. Tek biraz ýaqyttan keıin ǵana tártip saqshylary kólikti toqtatyp, kúdiktini ustady.

— Atalǵan derek boıynsha bılik ókiline kúsh qoldaný faktisimen qylmystyq is qozǵaldy. Kúdikti ýaqytsha ustaý ızolıatoryna qamaldy. «Zań jáne tártip» qaǵıdatyn júzege asyrý sheńberinde polıtseılerdiń ómiri men qaýipsizdigine qol suqqandarǵa jaza bultartpaı qoldanylady. Mundaı áreketter asa qaýipti qylmys retinde baǵalanady, - delingen Shymkent qalasy polıtsııa departamentiniń aqparatynda. 

Aıta keteıik, budan buryn Shymkentte psıhıkalyq ortalyqta emdelýshilerdi zorlaǵandar 15 jylǵa sottalǵanyn jazǵan bolatynbyz.