Shymkenttik órt sóndirýshiler 5 qabattan qulamaq bolǵan 43 jastaǵy er adamdy qutqaryp qaldy

Shymkenttik órt sóndirýshiler 5 qabattan qulamaq bolǵan 43 jastaǵy er adamdy qutqaryp qaldy, dep habarlaıdy QazAqparat tilshisi. 

Oqıǵa keshe keshkisin bolǵan. Saǵat 22:30 shamasynda №2 órt sóndirý bólimine kelgen qyz ákesiniń qaraýsyz qalǵan ǵımarattyń 5-shi qabatynan sekirgeli jatqanyn aıtyp, kómek suraǵan. Oqıǵa ornyna jedel jetken qaraýyl bastyǵy Marlen Seıilbek pen órt sóndirýshi Ýalıhan Júsip 1980 jylǵy er azamatty qutqaryp qaldy. Odan ári túsindirme jumystaryn júrgizip, otbasyna qaıtardy.

Aıta keteıik, budan aldyn Shymkentte Halyqqa qyzmet kórsetý ortalyǵynyń shatyry órtengenin jazǵan bolatynbyz.