Shymkenttik dárigerler júregi toqtap qalǵan sábıdi aman alyp qaldy
ShYMKENT. KAZINFORM - Náresteniń qazirgi jaǵdaıy jaqsy.
Shymkent qalalyq perınataldy ortalyqtyń tájirıbeli dárigerleri aýyr jaǵdaıda ómirge kelgen sábıdi aman saqtap qaldy. Náresteniń anasy, Shymkent qalasynyń turǵyny Aıman Sarybaeva «Platsentanyń merziminen buryn ajyrap ketýi» dıagnozymen ortalyqqa aýyr jaǵdaıda jetkizilgen. Shuǵyl túrde áreket etken dárigerler, áıeldi kesar tiligi jolymen bosandyryp aldy.
Biraq týǵan kezde náresteniń jaǵdaıy qıyndap, júregi soqpaı qaldy. Der kezinde áreketke kóshken neonatolog-dárigerler jedel túrde sábıge alǵashqy kómek kórsetip, aman alyp qaldy.
Qazir bala men anasynyń jaǵdaıy jaqsy.
Náresteniń anasy, joǵarǵy deńgeıdegi jumys úılesimin kórsetip, perzentin ajaldan arashalap qalǵan dárigerlerge alǵysyn bildirdi.
Eske salaıyq, kóktemniń alǵashqy merekeleriniń biri 8 naýryzda, ortalyqta 21 bala dúnıege keldi. Onyń 14 ul bala bolsa, 7 qyz náreste.
Aıta keteıik, budan buryn Shymkenttiń mıllıonynshy turǵyny Aısulý jeti jasqa tolatynyn jazǵan bolatynbyz.