Shymkenttik dárigerler jumysqa ulttyq kıimmen keldi
ShYMKENT. KAZINFORM- Dárigerler aq halatty ulttyq kıimge aýystyrdy.
Oıýly shapan men kamzol, kımeshek pen aq oramal. Búgin Shymkent qalasyndaǵy T.Orynbaev atyndaǵy gıperbarııalyq oksıgenatsııa ortalyǵynyń qyzmetkerleri jumysqa ulttyq kıimmen keldi.
Medıtsına qyzmetkerleriniń aıtýynsha, ulttyq kıimder elimizdiń baı tarıhy men mádenıetin beıneleıdi. Bas dáriger Madına Ermahanbetova bastaǵan ıgi sharany ujym qyzmetkerleri birden qoldaǵan. Olardyń pikirinshe, ulttyq kıim jumys ornynda erekshe atmosfera qalyptastyrady.
— El tarıhy men ult mádenıetiniń ajyramas bóligine aınalǵan ulttyq kıimdi nasıhattaý — árbirimizdiń mindetimiz, — deıdi aq halatty abzal jandar.
Aıta keteıik, budan buryn Shymkenttik ana balasyna bir búıregin bergenin jazǵan bolatynbyz.