Shymkenttik dárigerler aýyr tehnıkanyń astynda qalǵan áıeldi aman alyp qaldy

ShYMKENT. KAZINFORM – Dárigerler naýqasqa alty ret ota jasady.

Oqys oqıǵa ótken jyldyń qarasha aıynda boldy. Aýyr tehnıkanyń astynda qalǵan áıeldiń sol aıaǵy men qolynyń súıekteri synyp, ish qurylysynyń biraz bóligi janshylyp qalǵan. Naýqas birden jansaqtaý bólimine jatqyzyldy. Sodan búgingi kúnge deıin dárigerler alty ret ota jasady. Nátıjesinde em qabyldaýshynyń aıaq qoly qımylǵa kelip, jaǵdaıy jaqsarǵan. Qazir patsıenttiń ózi T.Orynbaev atyndaǵy gıperbarııalyq oksegınatsııa ortalyǵynda em qabyldap jatyr. Munda da eki aı ishinde naýqasqa úsh ret teri almastyrý opertsııasy jasaldy.

«Bir aıaǵynyń terisi múldem joq boldy. Sondyqtan bir otamen bitpeıtin edi. Naýqastyń oń aıaǵy men baltyrynan, tizeden tómen jáne ıyq aýmaǵynan teri alyp, aıaǵyna tiktik» - dedi, T. Orynbaev atyndaǵy gıperbarııalyq oksıgenatsııa ortalyǵynyń bólimshe meńgerýshisi Muhıt Dosybaev.

Qazir kúrdeli otalardan shyqqan azamatshaǵa dárigerler ońaltý emin júrgizýde. Densaýlyq jaǵdaıy qalypqa kelip jatqan patsıentti medıtsına mamandary aldaǵy apta úıine shyǵarmaq.