Shymkentterobottar jylý jelilerin tekserip jatyr
ShYMKENT. KAZINFORM — Jobany iske asyrý qorytyndysy boıynsha onyń praktıkalyq tıimdiligi rastalyp, qol jetkizilgen ekonomıkalyq áser 76,2% bolǵan.
Energetıka mınıstrligi Shymkent qalasynyń ákimdigimen birlesip, jylý energetıkasy salasyna tsıfrlyq tehnologııalar men jasandy ıntellektti engizý máseleleri boıynsha bilim berý semınaryn ótkizdi.
Іs-shara aıasynda jylý jelilerin qubyrishilik dıagnostıkalaýdyń zamanaýı tásilderi, tsıfrlyq egizderdi engizý, jasandy ıntellektti qoldaný jáne jylýmen jabdyqtaý ınfraqurylymyn predıktıvti basqarýdy damytý máseleleri talqylandy. Erekshe nazar Shymkent qalasynyń tájirıbesine aýdaryldy. Munda tsıfrlyq tehnologııalar men jasandy ıntellekt elementterin paıdalana otyryp, jylý jelilerin qubyrishilik dıagnostıkalaý boıynsha pılottyq jáne óndiristik joba iske asyryldy. Jobany iske asyrý qorytyndysy boıynsha onyń praktıkalyq tıimdiligi rastalyp, qol jetkizilgen ekonomıkalyq áser 76,2% bolǵan.
Іs-sharanyń negizgi maqsattary jobany iske asyrý nátıjelerin kórsetý, qubyrishilik dıagnostıka jáne jasandy ıntellekt tehnologııalaryn qoldanýdyń praktıkalyq aspektilerin talqylaý, tájirıbe almasý, sondaı-aq el óńirlerinde tsıfrlyq sheshimderdi odan ári engizý jáne aýqymdaý boıynsha usynystar ázirleý boldy.
Semınar barysynda jylý energetıkasyn tsıfrlandyrýdyń halyqaralyq tájirıbeleri, jylý jelilerin dıagnostıkalaý salasyndaǵy zamanaýı sheshimder tanystyrylyp, normatıvtik-quqyqtyq bazany odan ári damytý, jylý jelilerin paıdalaný senimdiligin arttyrý jáne jylýmen jabdyqtaý ınfraqurylymyn basqarýdyń táýekelge baǵdarlanǵan ári predıktıvti tásilderin damytý máseleleri talqylandy.
Іs-sharaǵa memlekettik organdardyń, tabıǵı monopolııa sýbektileriniń, halyqaralyq jáne ǵylymı uıymdardyń ókilderi, sondaı-aq Qazaqstan, Reseı jáne Ózbekstan elderiniń salalyq sarapshylary qatysty.
Aıta ketelik Úkimet Stepnogor jáne Kókshetaý qalalarynyń jylý jelilerin jóndeýge 3,9 mlrd teńge bólgen edi.
