Shymkentte qalyń tumanǵa baılanysty áýe reısteri keshigýi múmkin - FlyArystan
FlyArystan qolaısyz aýa raıyna bılanysty keı reıster keshigetinin eske saldy, dep habarlaıdy Kazinform.
«Shymkent qalasynda búgin jaısyz aýa raıy saqtalyp tur. Atap aıtqanda qalyń tuman tústi, aınala anyq kórinbeıdi. Osyǵan baılanysty Shymkentten jáne Shymkentke ushatyn búkil reıster keshigýi múmkin» dep habarlady kompanııadan.
Qazirgi aýa raıy Shymkent áýejaıynda ushyp-qonýǵa múmkindik bermeıdi, sondyqtan ushý ýaqyty keıinge shegerilýi múmkin.
Áýekompanııa Shymkent áýejaıy aımaǵyndaǵy aýa raıy boljamyn úzdiksiz baqylap otyr.
Áýekompanııa reıs jolaýshylaryna:
— Eki saǵattan artyq keshikkende salqyn alkogolsiz sýsyn usynady
— Tórt saǵattan artyq keshikkende ystyq tamaq usynady.
Sýsyn men taǵam máselesi boıynsha áýejaıdaǵy FlyArystan ókilderine júginý kerek.
— Bes saǵattan artyq keshikkende bir ret tegin áýebılettiń ýaqytyn ózgertý múmkindigi usynylady.
Bes saǵattan artyq keshikkende qaıta brondaý múmkin bolmasa, jolaýshylar bıletti tarıf erejesine sáıkes qaıtara alady.
